Áætlað er að fara i vinnuferð 10-12 feb i Ströngukvisl 
Buið er að festa kaup i kaminu og er ætlunin að fara með hana upp
i skála fyrir þorrablót og  ymislegt annað i leiðinni
velkomið er að koma með okkur i þessa vinnuferð.

Laugardaginn  7. Janúar fór hópur vaskra sveina frá Húnvetningadeild F4x4 með ljósavél í eigu deildarinnar í Ströngukvíslarskála.  Farið var á fimm bílum og voru að meðaltali 2 í bíl.  Ljósavélin eða Straumfríður eins og hún er kölluð þessa dagana  var í smá yfirhalningu eftir veru sína við Álkuskála en þurfti nú nauðsynlega að komast í sitt nýja heimili við Ströngukvíslarskála áður en allt færi á bólakaf í snjó. 

Lagt var af stað frá Skagaströnd upp úr kl. 9 um morguninn á þrem bílum og tók Bjarni Ottósson það að sér að dröslast með Straumfríði aftan í Toyotu en Patrik sonur hans var í fylgdarliðinu á Patrol ásamt tveimur félögum frá Strönd á Ford Econoline,  var það gert bæði í æfingaskini og eins ef öflugan bíl þyrfti til að draga ef færið tæki að þyngjast.  Félagarnir Arnar (Patrol) og Bjössi  (Toyota LC) lögðu upp frá Blönduósi nokkuð síðar en hópurinn sameinaðist upp við Blöndustíflu.   Eftir að yfir stífluna var komið gekk ferðin nokkuð vel í fyrstu en einstaka sinnum þurfti aðeins að létta undir með Toyotunni hjá Bjarna.  Það var svo einhverstaðar í námunda við Blönduvatn að Straumfríður réði sér ekki fyrir kæti og tók nokkur góð hopp og endaði auðvitað með því að snúa sig á vinstra hjóli og þurfti umsvifalaust aðhlynningar við. Þar sem Bjössi var með heilt verkstæði í farteskinu þá var nú ekki lengi verið að lappa upp á Straumfríði en nokkuð ljóst að hölt yrði hún upp frá þessu.   Tók nú að hægjast heldur á för eftir því sem færið þyngdist og á endanum var Toyota komin alfarið í spotta aftan í Ford og síðasta spölinn var Toyotan hjá Bjössa hengd framan í Ford en úr þessu var nú orðið tólf hjóla ökutæki sem silaðist áfram í átt að skálanum en aftast haltraði Straumfríður eða eigum við heldur að segja skreið á maganum því ekki náðu hjólin niður úr snjónum.

Strax er í skála var komið var hafist handa að búa um Straumfríði og koma henni sem best fyrir á nýja staðnum.   Það þurfti að bora fyrir stögum, tengja,leggja rör og kapla og margt fleira og nú kom verkstæðið hans Bjössa að góðum notum en þar leyndist ýmislegt nytsamlegt.  Þegar þetta allt var afstaðið og rafmagn komið á skálann var farið að huga að eldamennsku og þar fór Arnar fremstur í flokki og eftir ekki mjög svo langa hríð voru tvö stór lambalæri á borð borinn ásamt meðlæti.   Var nú etið og drukkið fram á rauða nótt eða þannig.  Við höfðum fyrr um daginn heyrt í Skafgirðingum tveim sem ætluðu af Kjalvegi og austur eftir og niður í Skiptabakka.  Þegar búið var að borða og ganga frá var ákveðið að vita hvar þeir væru staddir og var því gerð út sendinefnd til að fara út í bíl og kalla þá upp.  Þeir voru þá um það bil 15 km frá Skiptabakka og voru að snúa við vegna ófærðar og ætluðu að fara sömu leið til baka.  Spáð var versnandi veðri og því fylgdumst við með þeim og kölluðum þá upp síðar um kvöldið og þá voru þeir staddir við Dúfunefsfell  í blind bil og sóttist ferðalagið seint.  Var þeim boðið að hafa samband við okkur ef þá vantaði aðstoð en við heyrðum ekkert meira frá þeim og reiknum því með að þeir hafi skilað sér til byggða. 

Um nóttina hlánaði töluvert og var nú kominn töluverð bleyta í snjóinn en hann reyndist nú göróttur engu að síður og var svolítið um festur en ekkert  svo orð sé á gerandi.   Ákveðið var að rúlla suður úr og kíkja við á Hveravöllum og drekka þar kaffi en halda síðan heim á leið. Arnar og Bjössi ætluðu niður Kjalveg og Blöndudal en við Skagstrendingar ákváðum að fara niður Svínadalinn hjá Hrafnabjörgum.

Myndir hér